Էջմիածին քաղաքում գողության մեղադրանքով հետախուզվողներ են հայտնաբերվել

Ոստիկանության Շենգավիթի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ փետրվարի 24-ին Էջմիածին քաղաքի Շահումյան փողոցի շենքերից մեկում հայտնաբերվել և Շենգավիթի բաժին բերման է ենթարկվել 23-ամյա Նվեր Հ.-ն, որը հետախուզվում էր ՀՀ քրեական օրենսգրքի 177-րդ հոդվածի (Գողությունը) մեղադրանքով:
Խափանման միջոցը՝ ստորագրություն:

***

Ոստիկանության Քանաքեռ-Զեյթունի բաժնի ՔՀԲ ծառայողների ձեռնարկած միջոցառումների արդյունքում փետրվարի 24-ին Էջմիածին քաղաքի Մաշտոցի փողոցում հայտնաբերվել և Քանաքեռ-Զեյթունի բաժին բերման է ենթարկվել 27-ամյա Մարիամ Խ.-ն, որը փետրվարի 2-ից ոստիկանության Էրեբունու բաժնի կողմից հետախուզվում էր ՀՀ քրեական օրենսգրքի 177-րդ հոդվածի (Գողությունը) մեղադրանքով:
Խափանման միջոցը՝ ստորագրություն:
Մարիամ Խ.-ն հանձնվել է Էրեբունու բաժնի ծառայողներին: