Կայացավ ոստիկանության սեղանի թենիսի առաջնության ամենամյա մրցաշարը

Մարտի 15-ից 17-ը «Դինամո» մարզահամալիրում անցկացվեց ՆԳՆ ոստիկանության սեղանի թենիսի առաջնությունը, որին մասնակցում էին ոստիկանության 14 ստորաբաժանումների և փրկարար ծառայության հավաքական թիմերը: Թիմային հաշվարկում հաղթող ճանաչվեց փրկարար ծառայության հավաքական թիմը, երկրորդ և երրորդ հորիզոնականները զբաղեցրին համապատասխանաբար՝ պարեկային ծառայության և օպերատիվ կառավարման կենտրոնի հավաքական թիմերը։
Թիմային և անհատական պայքարում հաղթողներն ու մրցանակակիրները պարգևատրվեցին պատվոգրերով, մեդալներով ու դրամական պարգևներով: Պարգևները հանձնեց ոստիկանության մարտական և ֆիզիկական պատրաստականության բաժնի պետ, ոստիկանության գնդապետ Արմեն Մկրտչյանը։