Թիվ 51 երթուղու միկրոավտոբուսի գրպանահատը բռնվեց ոստիկանների կողմից
![Թիվ 51 երթուղու միկրոավտոբուսի գրպանահատը բռնվեց ոստիկանների կողմից Թիվ 51 երթուղու միկրոավտոբուսի գրպանահատը բռնվեց ոստիկանների կողմից](/timthumb?src=/resources/police/img/news/big/1525442168,2635.jpeg&q=75&w=780&wm=1)
Ոստիկանության Երևան քաղաքի վարչության ՔՀԲ 6-րդ բաժանմունքի ծառայողներն իրացնելով ստացված օպերատիվ տվյալները, գողություն կատարելու կասկածանքով, մայիսի 3-ին ժամը 19.45-ին Արցախի և Ռոստովյան փողոցների խաչմերուկից ոստիկանության Էրեբունու բաժին բերման են ենթարկել 1987 թ. ծնված Արման Դ.-ին, ում մոտից հայտնաբերվել է կանացի դրամապանակ:
Ձեռնարկված միջոցառումների շնորհիվ պարզվել է, որ Արման Դ.-ն նույն օրը, ժամը 19.30-ին, թիվ 51 երթուղու միկրոավտոբուսի սրահում 1957 թ. ծնված Սոնիչկա Ե.-ի պայուսակից գողացել է դրամապանակը, որի մեջ եղել է գումար, սակայն իր կամքից անկախ հանգամանքներում ավարտին չի հասցրել, ավտոբուսից իջնելիս բռնվել է ոստիկանների կողմից:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: