Մեքենայում ատրճանակի նմանվող առարկա ու թմրամիջոց կար

Սեպտեմբերի 27-ին ոստիկանության Բաղրամյանի բաժնի ծառայողները ձերբակալել և, մեքենայով հանդերձ, բաժին էին տեղափոխել Արմավիրի մարզի Քարակերտ գյուղում բնակվող 42-ամյա մի տղամարդու։ Տարածքային քննչական մարմնում նախաձեռնված քրեական վարույթի շրջանակներում հոկտեմբերի 4-ին «Օպելը» զննվեց։ Հայտնաբերվեցին ատրճանակի նմանվող առարկա և մարիխուանայի նմանվող զանգվածով փաթեթ։ Դրանք առգրավվել են։ Նշանակվել են փորձաքննություններ։ Հանգամանքները պարզվում են։