ՀՀ ՆԳՆ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:

Էրեբունու ոստիկանները ապօրինի պահվող թմրամիջոց ու ատրճանակ են հայտնաբերել

Ապրիլի 7-ին ոստիկանության Էրեբունու բաժնի և Նուբարաշենի բաժանմունքի ծառայողները ապօրինի պահվող թմրամիջոց ու ատրճանակ հայտնաբերեցին: Քրեական հետախույզները ժամը 15.30-ի սահմաններում Դավիթ Բեկի փողոցից բերման ենթարկեցին Չարենցավան քաղաքի 38-ամյա մի բնակչի, մեքենայով հանդերձ: Մեքենայի զննությամբ հայտնաբերվեց 95 մգ տարողությամբ հինգ տարա՝ թափանցիկ լուծույթով, որը, ըստ բերման ենթարկվածի, մեթադոնային լուծույթ էր, պատրաստել էր իր օգտագործման համար:
Րոպեների տարբերությամբ ոստիկանները նույն փողոցից, դարձյալ մեքենայով հանդերձ, բերման ենթարկեցին 47 տարեկան տղամարդու։ Նրա խուզարկությամբ հայտնաբերվեց մեթամֆետամինի նմանվող սպիտակ, բյուրեղանման զանգված:
Հետագա միջոցառումների արդյունքում 47-ամյա տղամարդը տնից ներկայացրեց առանց թույլտվության 9 մմ տրամաչափի գազային ատրճանակ՝ լիցքավորված 5 փամփուշտով:
Նշանակվել են փորձաքննություններ:
Հանգամանքները պարզվում են:

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: