Թմրամիջոց՝ կրպակից

Նոյեմբերի 20-ին, ժամը 22.35-ին, ոստիկանության Մաշտոցի բաժնի ծառայողները, թմրամիջոց պահելու կասկածանքով, կրպակներից մեկից բերման են ենթարկել 1973 թ. ծնված Կարեն Հ.-ին և 1972 թ. ծնված, նախկինում 3 անգամ դատված Վաչագան Ս.-ին:
Կրպակից հայտնաբերվել են տարբեր տարողությամբ ներարկիչներ` լցված հեղուկներով,  տարբեր դեղահաբեր, սրվակներ`  բամբակյա խծուծներով:
Կարեն Հ.-ն խոստովանել է, որ հայտնաբերվածը թմրամիջոց է և պատրաստել է  անձնական օգտագործման համար:
Հայտնաբերվածն ուղարկվել է փորձաքննության:
Կատարվում է հետաքննություն: