Թմրամոլության դեմ Վաղարշապատի քրեական հետախույզների պայքարից 2 դրվագ

Մայիսի 2-ին ոստիկանության Վաղարշապատի բաժնի քրեական հետախույզները օպերատիվ տեղեկություն էին ստացել, որ 62 և 57 տարեկան երկու տղամարդ ապօրինի պահում և օգտագործում են թմրամիջոց։ Հիմնավոր կասկածաքով նախ ձերբալկալվեց և, իր «Մերսեդեսով» հանդերձ, բաժին տեղափոխվեց 62-ամյա տղամարդը։ Այնուհետև ձերբակալվեց և բաժին տեղափոխվեց նաև 57-ամյա տղամարդը։ Անձնական խուզարկությամբ 62-ամյա տղամարդու մոտ հայտանաբերվեց մարիխուանայի նմանվող զանգված։ Նա հայտնեց, որ մեքենայում ունի նաև սպիտակ հեղուկով լցված ներարկիչներ, որոնք պատրաստ է ներկայացնել։ 57-ամյա տղամարդու մոտ էլ հայտանբերվեցին մեթադոնի նմանվող հեղուկով ներարկիչ և 2 փաթեթ՝ մարխուանայի նմանվող զանգվածով։
Տղամարդիկ ներկայացվել են Վաղարշապատի քննչական բաժին, իսկ «Մերսեդեսը» տեղափոխվել է պահպանվող հատուկ տարածք։
Նմանատիպ մի տեղեկություն էլ Վաղարշապատի քրեական հետախույզներըն իրացրին մայիսի 3-ին։ Վաղարշապատ քաղաքի Կոմիտասի հրապարակում Արշալույս գյուղի բնակիչներ 46, 45 և 36 տարեկան երեք տղամարդիկ, ապօրինի թմրանյութ պահելու և օգտագործելու հիմնավոր կասկածաքով, ձերբակալվեցին և, 45-ամյա տղամարդու «ՎԱԶ-2107» մակնիշի ավտոմեքենայով հանդերձ, տեղափոխվեցին բաժին։ Անձնական խուզարկությամբ 46-ամյա տղամարդու մոտ հայտանբերվեցին մեթամֆետամին տեսակի թմրամիջոցի նմանվող զանգված և մոխրացած հետքերով կաթուցիչ։
Տղամարդիկ ներկայացվել են Վաղարշապատի քննչական բաժին։ Մեքենան տեղափոխվել է բաժնի պահպանվող հատուկ տարածք։