Արմավիրի ոստիկանների պայքարը թմրամոլության դեմ

«Նելեգալ-2019» օպերատիվ-կանխարգելիչ միջոցառման երկրորդ փուլի շրջանակներում, հուլիսի 18-ին ոստիկանության Արմավիրի բաժնի համայնքային ոստիկանները, տեղեկություններն իրացնելիս, Արմավիր քաղաքի Ջիվանու փողոցի բնակիչ, 62-ամյա մի տղամարդու տնամերձ հողամասում հայտնաբերել են մշակումն արգելված թմրամիջոց պարունակող կանեփի 81 բույս:
Նույն օրը Ջանֆիդա գյուղի 53-ամյա մի բնակչի տնամերձ հողամասում հայտնաբերվել են կանեփի երեք բույս և մոտ 55 գրամ կշռով կիսաչոր զանգված:
Արմավիրի մարզի Ալաշկերտ գյուղի բնակիչ, 48-ամյա տղամարդու տնամերձ հողամասում հայտնաբերվել է կանեփի 15 բույս, իսկ տերը կամավոր ներկայացրել է չորացրած-մանրացված կանեփի զանգված:
Երեք դեպքում էլ տանտերերը հայտարարել են, որ բույսերն աճեցրել են իրենց օգտագործման համար:
Հայտնաբերվածը փաթեթավորվել և կնիքվել է փորձաքննության ուղարկելու համար:
Նախապատրաստվում են նյութեր: