Արտաշատի համայնքային ոստիկանները բացահայտեցին ապօրինի թմրանյութ պահելու և օգտագործելու հերթական դեպքը

Փետրվարի 1-ին Արտաշատի համայնքային ոստիկանները տեղեկություններ էին ստացել, որ Վերին Դվին գյուղի 63-ամյա մի բնակիչ տան բակում ապօրինի թմրանյութ է պահում: Բաժնի աշխատողները տվյալները ստուգելու նպատակով այցելել են նշված հասցե: Տան բակի երկաթե խողովակների մեջ՝ տեսանելի վայրում, նրանք նկատել են թղթե փաթեթ, որի մեջ, ըստ տան բնակչի, թմրանյութ էր:
63-ամյա տղամարդն իրավապահներին է ներկայացրել նաև 2 փաթեթ՝ ընդհանուր մոտ 10 գրամ կանեփանման զանգվածով:
Հանգամանքները նախաքննությամբ պարզվում են: