Դեկտեմբերի 18-ին Աշտարակի ոստիկաններն ապօրինի թմրաշրջանառության դեպք են բացահայտել

Դեկտեմբերի 18-ին ոստիկանության Աշտարակի բաժնի ծառայողները, իրացնելով օպերատիվ տվյալները, Աշտարակի Նարեկացու փողոցի տներից մեկում հայտնաբերել են մետաղական տարա, որի մեջ լուցկու տուփ, պլաստմասե և ապակե տարաներ էին՝ չորացված, մանրացված, կանաչավուն, յուրահատուկ հոտով կանեփանման զանգվածներով և կաթուցիչներ:
Նույն օրը 36-ամյա տանտերը, թմրանյութ պահելու և օգտագործելու կասկածանքով, բերման ենթարկվեց ոստիկանություն։
Բաժնում նա տվեց խոստովանական բացատրություն, որ նշված զանգվածները կանեփի բույսից պատրաստված թմրամիջոց է, ինքն է քաղել և պատրաստել իր օգտագործման համար:
Հայտնաբերվածն ուղարկվել է փորձաքննության:
Կատարվում է քննություն։