Ապօրինի թմրաշրջանառության բացահայտումներ, զենք-զինամթերքի հանձնումներ

Ոստիկանության Տավուշի մարզային վարչության Դիլիջանի և Տավուշի բաժինների ծառայողներն արդյունավետ պայքար են մղել ապօրինի թմրաշրջանառության դեմ, նաև ակտիվ բացատրական աշխատանք իրականացրել բնակչության հետ՝ ապօրինի պահվող զենք-զինամթերքի կամավոր հանձնման առումով։ Մասնավորապես, Դիլիջանի բաժնում արձանագրվել են տարբեր քաշերով մարիխուանայի հայտնաբերման դեպքեր։ Իրականացվել են մի շարք միջոցառումներ, որոնց շնորհիվ մարիխուանայի նմանվող զանգվածներ են հայտնաբերվել նաև բնակիչներից մեկի ավտոտնակում։ Բացի այդ, Դիլիջանի բաժնում կամավոր հանձնել են «Կալաշնիկովի» ինքնաձիգ, ինքնաշեն կրակող սարք, պայթուցիչով նռնակ ու տարբեր տրամաչափի և հրազենների փամփուշտներ։ Տավուշի բաժնի ոստիկանների ստուգողական միջոցառումների շնորհիվ էլ Որսորդմիության անդամ երկու տղամարդու տանը հայտնաբերվել են ապօրինի պահվող տարբեր տեսակի զինամթերք։
Միջոցառումները շարունակվում են։