Թոշակառու կնոջ դրամապանակը գողացողը հայտնաբերվեց

Օգոստոսի 8-ին, ժամը 11-ին, ոստիկանության Երևան քաղաքի վարչության ծառայողները, գողություն կատարելու կասկածանքով, Ամիրյան փողոցի թիվ 2 հասցեի մոտից բերման են ենթարկել 1969 թ. ծնված Արթուր Հ.-ին:
Պարզվել է, որ նա նույն օրը թիվ 58 երթուղու ավտոբուսի սրահում 1947 թ. ծնված Լիդա Կ.-ի պայուսակից գողացել է դրամապանակը, որի մեջ եղել է գումար և տարբեր քարտեր:
Տուժող կնոջից ընդունվել է հաղորդում:
Գողոնը հայտնաբերված է:
Կատարվում է հետաքննություն: