Բնակարանում ապօրինի պահվող ինքնաձիգ և փամփուշտներ են հայտնաբերվել

Ոստիկանության Արմավիրի մարզային վարչության և Վաղարշապատի բաժնի քրեական հետախույզները, իրացնելով օպերատիվ տվյալները, փետրվարի 8-ին Էջմիածին քաղաքի Զվարթնոց թաղամասի շենքերից մեկի մի բնակարանում հայտնաբերել են 44-ամյա տղամարդու ապօրինի պահվող «ԱԿ-74» տեսակի ինքնաձիգը և պահեստատուփը՝ լիցքավորված 7,62 տրամաչափի 30 փամփուշտով: Տղամարդը ձերբակալվել և տարվել է ոստիկանության Վաղարշապատի բաժին:
Կազմված փաստաթղթերն ուղարկվել են Վաղարշապատի քննչական բաժին: