Ինքնիրավչության մեղադրանքով հետախուզվողը հայտնաբերվեց Վանաձորում

Ոստիկանության Լոռու մարզային վարչության և Բազումի բաժնի ծառայողների համատեղ իրականացրած օպերատիվ-հետախուզական միջոցառումների շնորհիվ օգոստոսի 10-ին Վանաձոր քաղաքի Երկաթուղայինների զբոսայգուց ոստիկանության Բազումի բաժին բերման է ենթարկվել 36-ամյա Հենրի Ք.-ն, որը հուլիսի 4-ից ոստիկանության Կենտրոնական բաժնի կողմից հետախուզվում էր ՀՀ քրեական օրենսգրքի 322-րդ հոդվածի (Ինքնիրավչությունը) մեղադրանքով:
Խափանման միջոցը՝ ստորագրություն: