Իջևանի քրեական հետախույզներն ապօրինի թմրաշրջանառության դեպք են բացահայտել

Փետրվարի 5-ին ոստիկանության Իջևանի բաժնի քրեական հետախույզները օպերատիվ միջոցառումների արդյունքում տեղեկություններ էին ստացել, որ Իջևանի Մետաղագործների փողոցի 50-ամյա մի բնակչի առանձնատանը թմրամիջոց է պահում։
Տան նկուղի զննությամբ հայտնաբերվեցին մարիխուանայի նմանվող չորացված-մանրացված դեղնականաչավուն զանգվածներ՝ ընդհանուր 20 գրամից։
Ըստ տանտիրոջ՝ հայտնաբերվածն իրենն է, պատրաստել է վայրաճ կանեփի թփերից իր անձնական օգտագործման համար:
Տանտերը բերման ենթարկվեց ոստիկանության Իջևանի բաժին։
Նշանակվել են փորձաքննություններ:
Հանգամանքները պարզվում են: