Իջևանի ոստիկանները թմրանյութ են հայտնաբերել

Մարտի 7-ին ոստիկանության Իջևանի բաժնի ծառայողներն ապօրինի թմրանյութ պահելու և օգտագործելու հերթական դեպքը բացահայտեցին: Ժամը 11.30-ի սահմաններում քրեական հետախույզները Այգեհովիտ գյուղից ոստիկանության Իջևանի բաժին բերման ենթարկեցին  նույն գյուղի  38-ամյա մի բնակչի: Նրա անձնական խուզարկությամբ հայտնաբերվեց  9 գրամից ավելի մարիխուանայի նմանվող զանգված: Ըստ բերման ենթարկվածի՝ հայտնաբերվածը թմրամիջոց է, պատրաստել է վայրաճ կանեփի թփերից:                              Նշանակվել են փորձաքննություններ:
Հանգամանքները պարզվում են: