Լեհաստանի Ներքին գործերի նախարարության պատվիրակությունը` ՀՀ ոստիկանությունում (ՏԵՍԱՆՅՈՒԹ)
![Լեհաստանի Ներքին գործերի նախարարության պատվիրակությունը` ՀՀ ոստիկանությունում (ՏԵՍԱՆՅՈՒԹ) Լեհաստանի Ներքին գործերի նախարարության պատվիրակությունը` ՀՀ ոստիկանությունում (ՏԵՍԱՆՅՈՒԹ)](/timthumb?src=/resources/police/img/news/big/1401461844,1904.jpeg&q=75&w=780&wm=1)
Մայիսի 29-ին ՀՀ ոստիկանության շտաբի պետ, ոստիկանության գեներալ-մայոր Վարդան Եղիազարյանն ընդունել է Լեհաստանի Ներքին գործերի նախարարության պատվիրակությանը՝ միջազգային համագործակցության և եվրոպական ֆոնդերի վարչության պետ Գժեգոժ Պոլակի գլխավորությամբ:
Ողջունելով հյուրերին` Վարդան Եղիազարյանը կարևորեց երկու կողմերի ոստիկանական մարմինների միջև համագործակցության ընդլայնման փաստն ու պատրաստակամություն հայտնեց շարունակելու համագործակցությունը:
Հանդիպման ընթացքում լեհական կողմը ներկայացրեց Արևելյան գործընկերության շրջանակներում նախատեսվող քառամյա ոստիկանական համագործակցության ծրագիրը, քննարկվեցին ծրագրի նախագծի հետ կապված մի շարք մանրամասներ: Նշվեց, որ ծրագրի նպատակն է աջակցել Եվրոպական միության և Արևելյան գործընկերության երկրների միջև ոստիկանական համագործակցությանը` կապված միջսահմանային հանցագործությունների դեմ արդյունավետ պայքարի և օրենքի իշխանությունը ամրացնելու նպատակով քայլերի ձեռնարկման հետ:
Լեհաստանի ՆԳՆ պատվիրակության ղեկավարը հանդես եկավ այդ ծրագիրը ՀՀ ոստիկանության հետ համատեղ իրականացնելու նախաձեռնությամբ:
Հանդիպման ավարտին պայմանավորվածություն ձեռք բերվեց շարունակելու համագործակցությունը ներկայացված ծրագրի շրջանակներում:
Նույն օրը տեղի ունեցավ նաև հանդիպում Լեհաստանի ՆԳՆ և ՀՀ ոստիկանության փորձագետների միջև:
Լեհ փորձագետ Գժեգորժ Ասսբուրին հանդիպման մասնակիցներին մանրամասն ներկայացրեց ծրագրի բովանդակությունը, համագործակցության և նախատեսվող գործողությունների շրջանակները:
Մասնակիցները քննարկեցին փոխադարձ հետաքրքրություն ներկայացնող այլ հարցեր ևս: Պայմանավորվածություն ձեռք բերվեց ծրագրի շրջանակներում շարունակական դարձնելու համատեղ աշխատանքը: