Խարդախ պատանին հայտնաբերվեց ժամեր անց
![Խարդախ պատանին հայտնաբերվեց ժամեր անց Խարդախ պատանին հայտնաբերվեց ժամեր անց](/timthumb?src=/resources/police/img/news/big/1693566323-1587.jpeg&q=75&w=780&wm=1)
Օգոստոսի 31-ին, ժամը 18.15-ին, 21-ամյա մի առաքիչ ոստիկանության Կենտրոնական բաժնում տվել է հաղորդում, որ Նալբանդյան փողոցում անհայտ անձը առաքման դիմաց վճարել է հուշանվեր 50 հազարանոց, որի դիմաց ստացել է 40 հազարի մանրադրամ:
Նախաձեռնվել է քրեական վարույթ: Բաժնի քրեական հետախույզների ձեռնարկած միջոցառումների արդյունքում նույն օրը պարզվել է վճարողի ինքնությունը: Կորյունի փողոցի բնակիչ, 16-ամյա պատանին ժամը 22-ին հայտնաբերվել է Աբովյան փողոցում, ձերբակալվել և ներկայացվել է բաժին:
Կազմված փաստաթղթերը փոխանցվել են քննչական բաժին: Հանգամանքները պարզվում են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: