Խարդախության մեղադրանքով հետախուզվողը տեղափոխվեց Հայաստան

Ոստիկանության ՔՈ գլխավոր վարչության և ՌԴ-ում ՀՀ ոստիկանության ներկայացուցչի բացատրական աշխատանքի արդյունքում ՌԴ-ում գործուղման մեջ գտնվող ՀՀ ոստիկանության ՔՈԳՎ օպերատիվ խմբին է ներկայացել 40-ամյա Գոռ Վ.-ն, որը 2021 թ. ապրիլի 2-ից ոստիկանության Մաշտոցի բաժնի կողմից հետախուզվում էր ՀՀ նախկին քրեական օրենսգրքի 178-րդ հոդվածի 3-րդ մասի մեղադրանքով:
Նա օգոստոսի 4-ին օպերատիվ խմբի կողմից Մոսկվա-Երևան չվերթի ինքնաթիռով տեղափոխվել է Հայաստան և փոխանցվել ոստիկանության Մաշտոցի բաժնի ծառայողներին:
Խափանման միջոցը՝ ստորագրություն: