Հետախուզվում էր գողության, խարդախության և կեղծիքի մեղադրանքով
![Հետախուզվում էր գողության, խարդախության և կեղծիքի մեղադրանքով Հետախուզվում էր գողության, խարդախության և կեղծիքի մեղադրանքով](/timthumb?src=/resources/police/img/news/big/1707302425-2401.jpeg&q=75&w=780&wm=1)
ՆԳՆ ոստիկանության Սյունիքի մարզային վարչության և Կապանի բաժնի ծառայողների ձեռնարկած միջոցառումների արդյունքում փետրվարի 6-ին Սյունիք բնակավայրում հայտնաբերվել և Կապանի բաժին է տեղափոխվել 52-ամյա Արսեն Խ.-ն: Նա ոստիկանության Քանաքեռ-Զեյթունի բաժնի կողմից հետախուզվում էր ՀՀ նախկին քրեական օրենսգրքի 177-րդ (Գողությունը), 178-րդ (Խարդախությունը) և 325-րդ (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների պետհամարանիշեր կեղծելը, իրացնելը կամ օգտագործելը) հոդվածների մեղադրանքով:
Հայտնաբերման մասին հայտնվել է հետախուզումը նախաձեռնողին:
Խափանման միջոցը՝ ստորագրություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: