Խարդախության մեղադրանքով հետախուզվողը հայտնաբերվեց «Զվարթնոց» օդանավակայանում

ՆԳՆ ոստիկանության Արարատի բաժանմունքի ծառայողները, օպերատիվ տվյալներն իրացնելով, դեկտեմբերի 10-ի ժամը 1.25-ին Ակտաու-Երևան չվերթի ինքնաթիռի ժամանումից հետո «Զվարթնոց» օդանավակայանում հայտնաբերել, ձերբակալել և նախաքննական մարմին են ներկայացրել 34-ամյա Ազատ Ե.-ին, որը 2021 թ. մայիսի 27-ից ոստիկանության Արարատի բաժնի կողմից հետախուզվում էր խարդախության մեղադրանքով:
Խափանման միջոցը՝ ստորագրություն: