Խարդախություններ կատարած անձը հայտնաբերվել է
![Խարդախություններ կատարած անձը հայտնաբերվել է Խարդախություններ կատարած անձը հայտնաբերվել է](/timthumb?src=/resources/police/img/news/big/1613637803-8908.jpeg&q=75&w=780&wm=1)
Փետրվարի 14-ին ոստիկանության Էրեբունու բաժին դիմած քաղաքացին հաղորդում էր տվել, որ ժամը 12.00-ին Տիգրան Մեծի պողոտայում անհայտ անձը, գրավադրելու և գումարը իրեն տալու պայմանով, վերցրել էր իր տեսանկարահանող երկու սարքը և խաբեությամբ հեռացել՝ պատճառելով 400.000 դրամի վնաս:
Էրեբունու քրեական հետախույզները, իրացնելով օպերատիվ տվյալները, պարզել են սարքերը խաբեությամբ հափշտակած անձի ինքնությունը։ Փետրվարի 16-ին 29-ամյա տղամարդը հայտնաբերվել է, բերման ենթարկվել ոստիկանության Էրեբունու բաժին և տվել խոստովանական բացատրություն:
Պարզվել է, որ փետրվարի 14-ին տղամարդը խաբեությամբ հափշտակել էր 23-ամյա մի երիտասարդի ոսկյա շղթան ու խաչը: Ոստիկանության Էրեբունու բաժնում տվյալ դեպքով նաև հաղորդում էր ստացվել։
Հարուցվել են քրեական գործեր։
Ձեռնարկվում են միջոցառումներ՝ հափշտակված իրերը հայտնաբերելու ուղղությամբ։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: