Խարդախությունների հեղինակը հայտնաբերվեց

29.03.2013 11:12 Խարդախություն

Մարտի 27-ին, ժամը 22.40-ին, Մեծամորի բաժնի ծառայողները, խարդախություն կատարելու կասկածանքով, Երևանի Սայաթ-Նովայի պողոտայից բերման են ենթարկել 1994 թ. ծնված Գևորգ Ղ.-ին:

Պարզվել է, որ նա փետրվարի սկզբներին, չարաշահելով մի կնոջ վստահությունը, խաբեությամբ վերցրել է նրա «Նոութբուք» համակարգիչը՝ հաջորդ օրը վերադարձնելու պայմանով, սակայն այն վաճառել է անհայտ անձի:

Պարզվել է նաև, որ Գևորգ Ղ.-ն մարտի 15-ին չարաշահելով 20-ամյա մի աղջկա վստահությունը, Երևան քաղաքի Թումանյան փողոցում գտնվող համակարգիչների խանութից նրա անվամբ վերցրել է 260.000 դրամ արժողության «Նոութբուք» համակարգիչ և իրացրել, իսկ մարտի 19-ին, կրկին չարաշահելով նույն աղջկա վստահությունը, խաբեությամբ տիրացել է նրան պատկանող մոտ 30 գ ոսկյա զարդերին:

Նյութական վնասի չափը պարզվում է:

Նախապատրաստված նյութերն ուղարկվել են Արմավիրի մարզի քննչական բաժին:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Խարդախությունների հեղինակը հայտնաբերվեց

ՀԻՄՆԱԿԱՆ