Խմիչքի մի մասը վաճառել էր, մի մասն էլ ընկերոջ հետ խմել էին
![Խմիչքի մի մասը վաճառել էր, մի մասն էլ ընկերոջ հետ խմել էին Խմիչքի մի մասը վաճառել էր, մի մասն էլ ընկերոջ հետ խմել էին](/timthumb?src=/resources/police/img/news/big/1714652062-6471.jpeg&q=75&w=780&wm=1)
ՆԳՆ ոստիկանության Կումայրիի բաժնի համայնքային ոստիկանները գողության վերաբերյալ ստացել էին տեղեկություն: Ըստ այդմ՝ Գյումրիի բնակիչ 37-ամյա մի երիտասարդ Խրիմյան Հայրիկի փողոցի մի տնից գողացել է տարատեսակ ոգելից խմիչքներ:
Ձեռնարկված միջոցառումների արդյունքում գյումրեցի երիտասարդը հայտնաբերվել, գողություն կատարելու կասկածանքով ձերբակալվել ու տեղափոխվել է ոստիկանության Կումայրիի բաժին: Նա խոստովանել է, որ հիշյալ տնից գողացել է չորս շիշ օղի և չորս շիշ գինի, որոնց մի մասը վաճառել է, իսկ մի մասը ընկերոջ հետ խմել է: Նաև հայտնել է, որ պահպանված վերջին շիշ գինին ընկերոջ տանն է:
Նա ու կազմված փաստաթղթերը ներկայացվել են Շիրակի մարզային քննչական վարչություն: Հանգամանքները պարզվում են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: