Խորդանոցները՝ թիրախ

Հունիսի 15-ին, ժամը 18.00-ին, ոստիկանույան Մաշտոցի բաժնի ծառայողները 16-րդ թաղամասի թիվ 33 շենքի մոտից, գողություն կատարելու կասկածանքով, բերման են ենթարկել 1967 թ. ծնված Արմեն Հ.-ին:
Նա խոստովանել է, որ մայիսին իրենց շենքի խորդանոցներից մեկից գողացել է կենցաղային իրեր և էլեկտրական սարքավորումներ:
Պարզվել է նաև, որ նա հունիսյան մի գիշեր, ժամը 04.00-ի սահմաններում, մեկ այլ խորդանոցից փորձել է գողություն կատարել, սակայն չկարողանալով բացել դռան փականը` հեռացել է:
Կատարվում է հետաքննություն: