Խուզարկությամբ զենք-զինամթերք է հայտնաբերվել

Հունվարի 31-ին ոստիկանության ԿՀԴՊ ԳՎ և Տաշիրի բաժնի ծառայողները խուզարկություն են կատարել 1978 թ. ծնված Ռոման Դ.-ի բնակարանում: Տանտերը ննջասենյակի մահճակալի տակից ներկայացրել է 16 մմ տրամաչափի մեկփողանի որսորդական հրացան և նույն տրամաչափի 18 փամփուշտ:
Ներկայացվածն ուղարկվել է փորձաքննության:
Կատարվում է նախաքննություն:

***
Նույն օրը ոստիկանության ԿՀԴՊ ԳՎ և Տաշիրի բաժնի ծառայողները 1987 թ. ծնված Միխայիլ Օ.-ի տանը և օժանդակ շինություններում կատարված խուզարկության ընթացքում տան հյուրասենյակում դրված թախտի միջից հայտնաբերել են 32 մմ տրամաչափի մեկփողանի որսորդական հրացան, 32 մմ տրամաչափի 35 դատարկ պարկուճ, 32 մմ տրամաչափի լիցքավորված 11 պարկուճ, 2 վառոդի չափիչ, 1 տուփ վառոդ, 1 տուփ արճիճ, 2 լուցկու տուփով հրապատիճ և վառոդը լիցքավորելու համար սարքավորումներ:
Նշանակվել է դատաձգաբանական փորձաքննություն:
Կատարվում է նախաքննություն: