ՀՀ ՆԳՆ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:

Լոռու ոստիկանները բացահայտել են նախկինում կատարված խուլիգանության դեպքը

Լոռու ոստիկանները բացահայտել են նախկինում կատարված խուլիգանության դեպքը

Ոստիկանության Լոռու մարզային վարչությունում օպերատիվ տեղեկություններ էին ստացվել, որ փետրվարի 3-ին, ժամը 22.00-ի սահմաններում, Ալավերդի-Հաղպատ ճանապարհի ռեստորանային համալիրներից մեկում հացկերույթի ժամանակ վիճաբանություն է եղել, որի ընթացքում մասնակիցները քաշքշել են իրար, հայհոյել, խփել ձեռքերով և ոտքերով, իսկ 27-ամյա տղամարդը որսորդական հրացանից կրակել է առանձնասենյակի առաստաղին:
Նյութերի նախապատրաստման ընթացքում ոստիկանության Լոռու մարզային վարչության և Թումանյանի բաժնի ծառայողների համատեղ ձեռնարկած օպերատիվ-հետախուզական միջոցառումների արդյունքում պարզվել է վիճաբանությանը մասնակցած անձանց ինքնությունը։
Փետրվարի 9-ին դեպքի առթիվ հարուցվել է քրեական գործ՝ խուլիգանության հատկանիշներով։
Ձեռնարկված օպերատիվ-հետախուզական միջոցառումների և բացատրական աշխատանքի արդյունքում փետրվարի 11-ին 27-ամյա երիտասարդը ներկայացել է ոստիկանության Թումանյանի բաժին։ Նա ներկայացրել է «ԻԺ 18» տիպի որսորդական կարճեցված փողով ու խզակոթով հրացանը և տվել խոստովանական ցուցմունք։ Հայտնել է, որ հրացանը, որը պատկանել է հանգուցյալ պապին, գտել է իր ավտոտնակում։
Հրացանը վերցվել է:
Նշանակվել են դատաձգաբանական և դատաբժշկական փորձաքննություններ:
Կատարվում է նախաքննություն։

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: