Խուլիգանություն Փափազյան փողոցում
![Խուլիգանություն Փափազյան փողոցում Խուլիգանություն Փափազյան փողոցում](/timthumb?src=/resources/police/img/news/big/1676371455-7079.jpeg&q=75&w=780&wm=1)
Փետրվարի 12-ին, ժամը 22.00-ի սահմաններում, ոստիկանություն էին զանգել տարբեր քաղաքացիներ և հայտնել, որ Փափազյան փողոցի սուպերմարկետի մոտ վիճաբանություն է, մի խումբ անձինք քաշքշում ու հայհոյում են իրար՝ խոչընդոտելով անցորդների տեղաշարժին:
Նշված հասցե են մեկնել ոստիկանության Արաբկիրի բաժնի օպերատիվ խումբը և ՊԾ Երևան քաղաքի գնդի 4-րդ գումարտակի 3-րդ վաշտի պարեկները: Խուլիգանություն կատարելու համար Փափազյան փողոցում ձերբակալվել և Արաբկիրի բաժին են տարվել 6 քաղաքացիներ: Պարզվել է, որ նրանցից չորսը ծեծի են ենթարկել մյուս երկուսին: Ծեծողներից մեկի մոտ հայտնաբերվել է ծալովի դանակ:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: