ՀՀ ՆԳՆ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:

Խուլիգանություն Մրգավետ գյուղում

Խուլիգանություն Մրգավետ գյուղում

Օգոստոսի 29-ին ոստիկանության Արարատի մարզային վարչության քրեական հետախույզները, համագործակցելով Արտաշատի բաժնի ծառայողների հետ, ստացել են տեղեկություն, որ նախորդ օրը, ուշ երեկոյան, Մրգավետ գյուղում գտնվող գարեջրատանը վիճաբանություն է ծագել մատուցողուհու և 25-ամյա տղամարդ հաճախորդի միջև: Վերջինս ձեռքերով հարվածներ է հասցրել մատուցողուհու դեմքին: վիճաբանությունը շարունակվել է դրսում: Այդ ընթացքում գարեջրատան հարևանությամբ բնակվող 45-ամյա տղամարդը, վիճաբանության մասնակիցներին հանդարտեցնելու նպատակով, իր անվամբ հաշվառված որսորդական հրացանով կրակոցներ է արձակել:
Բացատրական աշխատանքի շնորհիվ հաճախորդն ու հարևանը ներկայացել են բաժին: Հարևանը հետը բերել է նաև հրացանը:
Երկուսն էլ ներկայացվել են Արարատի մարզային քննչական վարչություն: Հանգամանքները պարզվում են:

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: