Հերթական խրախուսանքները ՀՀ ոստիկանության պետի հրամաններով
![Հերթական խրախուսանքները ՀՀ ոստիկանության պետի հրամաններով Հերթական խրախուսանքները ՀՀ ոստիկանության պետի հրամաններով](/timthumb?src=/resources/police/img/news/big/1415601450,8404.jpeg&q=75&w=780&wm=1)
ՀՀ ոստիկանության պետի 29.09.2014 թ. հրամանի համաձայն` Հայաստանի Հանրապետության ոստիկանության համակարգում երկարամյա ծառայության համար խրախուսման կարգով «Ոստիկանության մայոր» կոչում է շնորհվել պաշտոնաթող կապիտան Էդիկ Հովհաննեսի Սափեյանին:
***
ՀՀ ոստիկանության պետի 20.08.2014 թ. հրամանի համաձայն` բնակչության շրջանում պրոֆիլակտիկ-դաստիարակչական և քարոզչական ակտիվ աշխատանքներ կազմակերպելու, հանցավորության դեմ պայքարի գործում ոստիկանության հետ համագորածկցելու համար պաշտոնաթող փոխգնդապետ Էդիկ Սենիկի Մանուկյանը /Վանաձոր/ պարգևատրվել է «Համագործակցության ամրապնդման համար» մեդալով:
***
Հայաստանի Հանրապետության ոստիկանության համակարգում 31 տարվա անբասիր ծառայության, որպես ստեղծագործող իր գործերում ոստիկանական թեման ճշմարտացի արտացոլելու համար, ինչպես նաև Հայաստանի գրողների միության 80-ամյակի կապակցությամբ ՀՀ ոստիկանության պետի 04.06.2014 թ. հրամանի համաձայն՝ ոստիկանության պաշտոնաթող փոխգնդապետ Վոլոդյա Գաբրիելի Հայրապետյանը պարգևատրվել է Հայաստանի Հանրապետության ոստիկանության պատվոգրով: