Ծանոթ կինը՝ խաբեությամբ

Հունվարի 27-ին մի կին ոստիկանության Քանաքեռ-Զեյթունի բաժնում հաղորդում էր տվել, որ իր ծանոթ Փեփրոնը 2014 թ. դեկտեմբերին իրենից վերցրել է 48.000 դրամ արժողության բիժուտերիա և շպարի պարագաներ` մինչև ս/թ. հունվարի 12-ը վճարելու պայմանով, սակայն խաբեությամբ տիրացել է ապրանքներին:
Ոստիկանության ծառայողների ձեռնարկած միջոցառումների շնորհիվ պարզվել է, որ Փեփրոնը 1954 թ. ծնված Փեփրուհի Մ.-ն է:
Բացատրական աշխատանքների շնորհիվ՝ նա ներկայացել է բաժին և տվել խոստովանական բացատրություն: