Գուգարքի ոստիկանները ապօրինի ծառահատման դեպք են բացահայտել
![Գուգարքի ոստիկանները ապօրինի ծառահատման դեպք են բացահայտել Գուգարքի ոստիկանները ապօրինի ծառահատման դեպք են բացահայտել](/timthumb?src=/resources/police/img/news/big/1688995964-5942.jpeg&q=75&w=780&wm=1)
Ոստիկանության Գուգարքի բաժնի ծառայողները, իրացնելով օպերատիվ տվյալները, հուլիսի 8-ին Եղեգնուտ գյուղի հարակից անտառի ճանապարհին ստուգման են ենթարկել «Ուրալ» մակնիշի մեքենան, որը բեռնված էր մոտ 8 խմ փայտանյութով: Վարորդը և ուղևորը համապատասխան փաստաթուղթ չեն ներկայացրել: 28-ամյա ուղևորը հայտնել է, որ հուլիսի 6-ից 8-ն ընկած ժամանակահատվածում Եղեգնուտ գյուղի հարակից անտառում բենզասղոցով ծառեր և ճյուղեր է ապօրինի հատել:
Վանաձորցի տղամարդիկ և կազմված փաստաթղթերը ներկայացվել են Լոռու մարզի քննչական վարչություն, իսկ փայտանյութով բեռնված «Ուրալը» տեղափոխվել է ոստիկանության Գուգարքի բաժնի հատուկ պահպանվող տարածք:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: