Գուգարքի ոստիկանները ապօրինի ծառահատման դեպք են բացահայտել
16.03.2023 11:36
Ապօրինի ծառահատում
![Գուգարքի ոստիկանները ապօրինի ծառահատման դեպք են բացահայտել Գուգարքի ոստիկանները ապօրինի ծառահատման դեպք են բացահայտել](/timthumb?src=/resources/police/img/news/big/1678952308-6059.jpeg&q=75&w=780&wm=1)
Ոստիկանության Գուգարքի բաժնի ծառայողները, օպերատիվ տվյալներն իրացնելով, մարտի 15-ին Եղեգնուտ գյուղի 5-րդ փողոցում ստուգման են ենթարկել փայտանյութով բեռնված «Զիլ-131» բեռնատարը: Վանաձորցի վարորդը փայտանյութի օրինականության վերաբերյալ համապատասխան փաստաթուղթ չի ներկայացրել: Հայտնել է, որ Եղեգնուտ գյուղի հարակից անտառից բենզասղոցի գործադրմամբ հատել է երեք բոխի: Փայտանյութով բեռնված մեքենան տեղափոխվել է բաժնի հատուկ պահպանվող տարածք:
Կազմված փաստաթղթերն ուղարկվել են Լոռու մարզի քննչական վարչություն:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: