Պարեկները ապօրինի ծառահատման դեպք են բացահայտել
07.09.2022 13:45
Արձանագրված դեպքեր
![Պարեկները ապօրինի ծառահատման դեպք են բացահայտել Պարեկները ապօրինի ծառահատման դեպք են բացահայտել](/timthumb?src=/resources/police/img/news/big/1662544237-5917.jpeg&q=75&w=780&wm=1)
Սեպտեմբերի 6-ին, ժամը 23.00-ի սահմաններում, Գորիսի բաժնի ՊՊԾ դասակի ոստիկանները Հալիձոր բնակավայրի հարակից ճանապարհին, ապօրինի վառելափայտ տեղափոխելու կասկածանքով, կանգնեցրել են «Ֆորդ Տրանզիտ» մակնիշի մեքենա, որի թափքում մոտ 4 խմ բոխի տեսակի վառելափայտ կար: Վարորդը համապատասխան փաստաթղթեր չի ներկայացրել, հայտնել է, որ ծառերը ապօրինի հատել է Շուռնուխ բնակավայրի հարակից անտառից:
Մեքենան տեղափոխվել է բաժնի հատուկ պահպանվող տարածք:
Նախապատրաստված նյութերն ուղարկվել են Գորիսի քննչական բաժին: