Ապօրինի ծառահատում կատարողը ներկայացել է ոստիկանություն
06.09.2022 13:08
Ապօրինի ծառահատում
![Ապօրինի ծառահատում կատարողը ներկայացել է ոստիկանություն Ապօրինի ծառահատում կատարողը ներկայացել է ոստիկանություն](/timthumb?src=/resources/police/img/news/big/1662455364-5013.jpeg&q=75&w=780&wm=1)
Սեպտեմբերի 5-ին, ժամը 22.25-ին, ոստիկանություն հաղորդում է ստացվել, որ Երևանի Պուշկինի և Եկմալյան փողոցների խաչմերուկում ապօրինի ծառահատում է կատարվել:
Ոստիկանության Կենտրոնական բաժնի քրեական հետախույզները ձեռնարկած միջոցառումների արդյունքում պարզել են արարքը կատարողի ինքնությունը: Բացատրական աշխատանքի արդյունքում 30-ամյա երիտասարդը ներկայացել է ոստիկանության Կենտրոնական բաժին և տվել ցուցմունք:
Նախապատրաստված նյութերը ուղարկվել են նախաքննական մարմին:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: