Ծեծել էր կնոջն ու օդամղիչ ատրճանակով կրակել. ամուսինը ներկայացվել է նախաքննական մարմին

Հոկտեմբերի 1-ին, ժամը 17-ին, 55-ամյա մի կին ոստիկանության Ամասիայի բաժնում տվել է հաղորդում, որ գիշերը 60-ամյա ամուսինը, ոգելից խմիչք օգտագործած վիճակում, տանը ծագած վիճաբանության ժամանակ ծեծի է ենթարկել իրեն, ձեռքով մի քանի անգամ հարվածել մարմնի տարբեր մասերին՝ պատճառել վնասվածք, նաև պայուսակից հանել է օդամղիչ ատրճանակը, մի քանի անգամ կրակել է իր ուղղությամբ, հետո էլ բակում երկու անգամ կրակել է օդ:
Ամուսինը ոստիկանության բաժին է ներկայացրել օդամղիչ ատրճանակը: Նրա նկատմամբ կայացվել է անհետաձգելի միջամտություն կիրառելու մասին որոշում, նա ձերբակալվել և ներկայացվել է Շիրակի մարզային քննչական վարչություն:
Հանգամանքները պարզվում են: