Կողոպուտի դեպքեր են բացահայտվել։ Կողոպտվածներից մեկը երեխա է (ԼՈՒՍԱՆԿԱՐՆԵՐ)
![Կողոպուտի դեպքեր են բացահայտվել։ Կողոպտվածներից մեկը երեխա է (ԼՈՒՍԱՆԿԱՐՆԵՐ) Կողոպուտի դեպքեր են բացահայտվել։ Կողոպտվածներից մեկը երեխա է (ԼՈՒՍԱՆԿԱՐՆԵՐ)](/timthumb?src=/resources/police/img/news/big/1523539152,7088.jpeg&q=75&w=780&wm=1)
Ապրիլի 12-ին ոստիկանության քրեական հետախուզության գլխավոր վարչությունում ստացված օպերատիվ տվյալներն իրացնելիս՝ գլխավոր վարչության և Արաբկիրի բաժնի քրեական հետախույզները հայտնաբերել և ոստիկանություն բերման են ենթարկել Աշտարակի բնակիչ, 18-ամյա Սարգիս Քոչարյանին և Արագածոտնի մարզի Ղազարավան գյուղում ապրող, 24-ամյա Գուրգեն Մովսիսյանին։ Նրանք կասկածվում են կողոպուտներ կատարելու մեջ, ընդ որում՝ կողոպտվածներից մեկը 7-ամյա երեխա է։
Բերման ենթարկվածներին ոստիկանները ներկայացրել են Արաբկիր վարչական շրջանի քննչական բաժին։
Հարուցվել է քրեական գործ։
Դեպքերի մանրամասներին կանդրադառնանք մեր առաջիկա թողարկումներից մեկում։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: