Մի շարք հոդվածների մեղադրանքով հետախուզվողը կալանավորվեց

ՆԳՆ ոստիկանության ՔՈԳՎ և Կոտայքի բաժնի ծառայողների համատեղ ձեռնարկած օպերատիվ-հետախուզական միջոցառումների շնորհիվ հունվարի 10-ին Երևանի Դավիթաշենի 4-րդ թաղամասում հայտնաբերվել և Կոտայքի բաժին է տեղափոխվել 36-ամյա Արտաշ Խ.-ն: Նա հունվարի 5-ից Կոտայքի բաժնի կողմից հետախուզվում էր ՀՀ քրեական օրենսգրքի 191-րդ (Մարդուն առևանգելը), 207-րդ (Բնակարանի անձեռնմխելիությունը խախտելը), 252-րդ (Ավազակությունը), 255-րդ (Խարդախությունը), 258-րդ (Շորթումը) և 344-րդ (Տրանսպորտային միջոցներ վարելու իրավունքից զրկված կամ այդ իրավունքը կասեցված անձի կողմից տրանսպորտային միջոցներ վարելը կամ այդ անձի կամ տրանսպորտային միջոցներ վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) հոդվածների մեղադրանքով:
Խափանման միջոցը՝ կալանք: