Կամավոր ներկայացել և զենք-զինամթերք են հանձնել

01.10.2013 14:43 Զենք-զինամթերքի կամավոր հանձնում

Սեպտեմբերի 30-ին, ժամը 20.00-ին, ոստիկանության Արագածոտնի մարզային վարչություն է ներկայացել 1966 թ. ծնված Ղասմ Ա.-ն և կամավոր հանձնել մեկփողանի հրացանի կարճեցված խզակոթ` հարվածային մեխանիզմով, 16 մմ տրամաչափի ողորկափող հրացանի կարճեցված փող, «ՌԳԴ-5» տիպի նռնակ` առանց պայթուցիչի, «Ֆ-1» տիպի նռնակ` առանց պայթուցիչի, նռնակի պայթուցիչ, ինքնաշեն լուսարձակող փամփուշտ կրակող սարք, ինքնաձիգի պահունակ, 5.45 մմ տրամաչափի 161 և 7.62 մմ տրամաչափի 32 փամփուշտ:

***

Սեպտեմբերի 30-ին, ժամը 15.30-ին, 1960 թ. ծնված Սամվել Դ.-ն ներկայացել է ոստիկանության Ապարանի բաժին և հանձնել ձեռքի նռնակ` պայթուցիչով, ինքնաձիգի 5.45 մմ տրամաչափի 74 փամփուշտ:

Ներկայացվածն ուղարկվել է փորձաքննության:

Կատարվում է հետաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Կամավոր ներկայացել և զենք-զինամթերք են հանձնել

ՀԻՄՆԱԿԱՆ