Կամավոր հանձնեց նկուղում պահած զենք-զինամթերքը

Սեպտեմբերի 29-ին, ժամը 09.40-ին, ոստիկանության Գորիսի բաժին է զանգահարել 1973 թ. ծնված Դավիթ Մ.-ն և հայտնել, որ իրենց տան նկուղում զենք-զինամթերք կա, ցանկանում է կամավոր հանձնել:
Մեկնած օպերատիվ խմբին Դավիթ Մ.-ն ներկայացրել է ինքնաշեն, 5,6 մմ տրամաչափի թմբուկավոր ատրճանակ, ինքնաշեն, 5,6 մմ տրամաչափի ատրճանակ և 5,6 մմ տրամաչափի 67 փամփուշտ ու հայտնել, որ դրանք իրենն են, որը ձեռք էր բերել Արցախյան պատերազմի տարիներից և պահել իրենց նկուղում: