Կաշառք ստանալիս մերկացվել է կադաստրի պետական կոմիտեի կողմից լիցենզավորված չափագրողը (ՏԵՍԱՆՅՈՒԹ)
![Կաշառք ստանալիս մերկացվել է կադաստրի պետական կոմիտեի կողմից լիցենզավորված չափագրողը (ՏԵՍԱՆՅՈՒԹ) Կաշառք ստանալիս մերկացվել է կադաստրի պետական կոմիտեի կողմից լիցենզավորված չափագրողը (ՏԵՍԱՆՅՈՒԹ)](/timthumb?src=/resources/police/img/news/big/1533303597,3473.jpeg&q=75&w=780&wm=1)
Ոստիկանության Կումայրիի բաժնում ստացված օպերատիվ տեղեկություններն իրացնելիս օգոստոսի 1-ին մի կին հաղորդում է տվել, որ կադաստրի աշխատակիցը գործարքի համար պահանջել է 500 դոլար կաշառք:
Ոստիկանության կազմակերպված հանցավորության դեմ պայքարի գլխավոր վարչության կոռուպցիայի և տնտեսական գործունեության դեմ ուղղված հանցագործությունների հակազդման, Շիրակի մարզային վարչությունների և Կումայրիի բաժնի աշխատակիցները ձեռնարկեցին համատեղ միջոցառումներ: Օգոստոսի 2-ին, կաշառք վերցնելու պահին, իր աշխատասենյակում բռնվեց անշարժ գույքի կադաստրի պետական կոմիտեի կողմից լիցենզավորված, «Գառսաֆ» առևտրային կազմակերպության չափագրող Հարություն Ղազարյանը:
Անձնական խուզարկությամբ նրա տաբատի աջ գրպանից հայտնաբերվեց և առգրավվեց կաշառք ստացած 500 դոլարը:
Ղազարյանը բերման է ենթարկվել ոստիկանության Կումայրիի բաժին:
Հանգամանքները պարզվում են:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: