Ձերբակալվեցին կաշառք առաջարկելու և ապօրինի զենք պահելու համար

ՆԳՆ ոստիկանության ՊԾ Երևան քաղաքի գնդի 3-րդ գումարտակի 2-րդ վաշտի պարեկները մայիսի 5-ին, ժամը 01.40-ին, Տիգրան Մեծի պողոտայում ՃԵԿ խախտում կատարելու համար կանգնեցրել են «Ֆորդ» մակնիշի մեքենան: Խախտումը չարձանագրելու համար ուղևորը պարեկներին առաջարկել է 20 000 դրամ կաշառք, իսկ մեքենայի սրահի տեսանելի հատվածում պարեկները նկատել են ատրճանակի նմանվող իր:
33-ամյա ուղևորը՝ կաշառք առաջարկելու, իսկ 33-ամյա վարորդը՝ ապօրինի զենք պահելու համար ձերբակալվել և տարվել են ոստիկանության Էրեբունու բաժին:
Կազմված փաստաթղթերը ներկայացվել են Հակակոռուպցիոն կոմիտե: