Տեղի ունեցավ ոստիկանության կարգապահական հանձնաժողովի հերթական նիստը (ՏԵՍԱՆՅՈՒԹ)

Նոյեմբերի 17-ին տեղի ունեցավ ոստիկանության կարգապահական հանձնաժողովի հերթական նիստը, որը վարում էր ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանը:
Հրապարակային ու թափանցիկ գործող հանձնաժողովը, որի կազմում ընդգրկված են նաև հասարակական կազմակերպությունների ներկայացուցիչներ, կոչված լինելով ապահովելու ոստիկանության ծառայողների պրոֆեսիոնալ վերահսկողություն՝ քննարկեց ոստիկանության Հրազդանի բաժնի համայնքային ոստիկանության բաժանմունքի պետի նկատմամբ իրականացված ծառայողական քննության նյութերն ու դրանց եզրակացությունները:
Պարզելով «Ոստիկանությունում ծառայության մասին» ՀՀ օրենքով նախատեսված կոպիտ կարգապահական խախտման փաստական հանգամանքները՝ հանձնաժողովը որոշում կայացրեց դիմել ոստիկանության պետին՝ բաժանմունքի պետի նկատմամբ կիրառելու ՀՀ ոստիկանությունում ծառայությունից ազատելու կարգապահական տույժը: