Կենտրոնական բաժնի ոստիկանները հետախուզվողների են հայտնաբերել
![Կենտրոնական բաժնի ոստիկանները հետախուզվողների են հայտնաբերել Կենտրոնական բաժնի ոստիկանները հետախուզվողների են հայտնաբերել](/timthumb?src=/resources/police/img/news/big/1655107782-1092.jpeg&q=75&w=780&wm=1)
Ոստիկանության Կենտրոնական բաժնի ՔՀԲ ծառայողները հունիսի 11-ին Պետրոս Ադամյան փողոցից բերման են ենթարկել 31-ամյա Սերգեյ Հ.-ին, որը հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ ստորագրություն:
***
Ոստիկանության Կենտրոնական բաժնի ՔՀԲ ծառայողները հունիսի 11-ին Աբովյան քաղաքի Եղբայրության փողոցում հայտնաբերել և բաժին բերման են ենթարկել 20-ամյա Կարեն Գ.-ին, որը հետախուզվում էր ՀՀ քրեական օրենսգրքի 268-րդ հոդվածի (Թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց իրացնելու նպատակի) մեղադրանքով:
Խափանման միջոցը՝ ստորագրություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: