Կողոպուտ Ծխախոտագործների փողոցում

Մայիսի 16-ին, ժամը 10.20-ին, ոստիկանության Էրեբունու բաժին է զանգահարել Երևան քաղաքի Ծխախոտագործների փողոցի մի բնակչուհի և հայտնել, որ տնից գողություն է կատարվել:
Մեկնած օպերատիվ խումբը պարզել է, որ նույն օրը, ժամը 09.00-ին, 1960 թ. ծնված Վահան Հ.-ն բաց դռնից ապօրինի մուտք է գործել քաղաքացուհու բնակարան և բացահայտ հափշտակել արձանիկ, մետաղական խաչ և ինքնաեռ՝ պատճառելով 50.000 դրամի վնաս:
Մայիսի 16-ին, ժամը 11.30-ին, Վահան Հ.-ն բերման է ենթարկվել ոստիկանության Էրեբունու բաժին:
Վահան Հ.-ն ձերբակալված է:
Կատարվում է նախաքննություն:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: