Ճամբարակի և Մարտունու ոստիկանները հետախուզվողին հայտնաբերեցին Կոտայքի մարզում

Ոստիկանության Ճամբարակի և Մարտունու բաժինների ծառայողների համատեղ ձեռնարկած օպերատիվ-հետախուզական միջոցառումների արդյունքում մայիսի 20-ին Կոտայքի մարզի Նոր Գեղի գյուղում հայտնաբերվել և Ճամբարակի բաժին բերման է ենթարկվել 28-ամյա Նարեկ Ս.-ն, որը հետախուզվում էր ՀՀ քրեական օրենսգրքի 242-րդ հոդվածի (Ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը) մեղադրանքով:
Նա ներկայացվել է նախաքննական մարմնին: