Տեսնելով ընկերոջ գլխի վնասվածքը՝ օդ կրակոցներ էր արձակել
![Տեսնելով ընկերոջ գլխի վնասվածքը՝ օդ կրակոցներ էր արձակել Տեսնելով ընկերոջ գլխի վնասվածքը՝ օդ կրակոցներ էր արձակել](/timthumb?src=/resources/police/img/news/big/1678522288-6452.jpeg&q=75&w=780&wm=1)
Ոստիկանության Աշտարակի բաժնի քրեական հետախույզները, իրացնելով օպերատիվ տեղեկությունները, պարզել են, որ մարտի 10-ին Աշտարակ-Փարպի ճանապարհի դաշտամիջյան հատվածում 28 և 29 տարեկան երկու երիտասարդ, որոնցից մեկը՝ Փարպի գյուղի, մյուսը՝ Թալին քաղաքի բնակիչ, միջանձնային հարցերի շուրջ վիճաբանել են, որի ընթացքում թալինցին մահակով խփել է փարպեցու գլխին՝ պատճառելով վնասվածք, իսկ փարպեցի երիտասարդի ընկերը, հասնելով դեպքի վայր, իր մոտ եղած զենքով երկու անգամ կրակել է օդ:
Աշտարակի քրեական հետախույզների ձեռնարկած օպերատիվ-հետախուզական միջոցառումների և բացատրական աշխատանքի արդյունքում Փարպի գյուղի 25–ամյա բնակիչը եկել է բաժին, ներկայացրել «Սայգա-12» տիպի 12 մմ տրամաչափի հրազենը և հայտնել, որ ներկայացված հրազենով ինքն է երկու անգամ օդ կրակել, երբ տեսել է ընկերոջ գլխի վնասվածքը: Նա, հրազենը և կազմված փաստաթղթերը ներկայացվել են Արագածոտնի մարզային քննչական վարչություն:
Հանգամանքները պարզվում են:
Ձեռնարկվում են միջոցառումներ՝ Թալինի 29-ամյա բնակչին հայտնաբերելու ուղղությամբ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: