Իր բնակարանի պատշգամբից կրակոցներ էր արձակել օդ

Հունիսի 24-ին, ժամը 01.45-ին, ՆԳՆ ոստիկանության օպերատիվ կառավարման կենտրոն զանգած քաղաքացին հայտնել էր, որ հունիսի 23-ի ժամը 21.00-ին Քանաքեռցու փողոցի հասցեներից մեկի մոտից կրակոցների և տղամարդու բղավոցի ձայն է լսվել:
Ոստիկանության Քանաքեռ-Զեյթունի բաժնի ծառայողները, օպերատիվ տվյալներն իրացնելով, պարզել են, որ Զաքարիա Սարկավագի փողոցի շենքերից մեկի բնակիչը իր բնակարանի պատշգամբից կրակոցներ է արձակել օդ:
55-ամյա տղամարդը Կոտայքի մարզի Վերին Պտղնի գյուղում հայտնաբերվել, խուլիգանություն կատարելու կասկածանքով ձերբակալվել է և տեղափոխվել է Քանաքեռ-Զեյթունի բաժին, որտեղ տվել է խոստովանական բացատրություն: Նաև հայտնել է, որ որսորդական հրացանը կներկայացնի:
Նա և կազմված փաստաթղթերը ներկայացվել են նախաքննական մարմին: