Համագործակցություն հանցավորության դեմ պայքարում (ՏԵՍԱՆՅՈՒԹ)

Մարտի 14-ին ոստիկանության պետի տեղակալ, ոստիկանության գեներալ-մայոր Սամվել Հովհաննիսյանն ընդունեց Հայաստանում Ֆրանսիայի դեսպանության ներքին անվտանգության հարցերով կցորդ Բրունո Բալդուկին։
Բարձր գնահատելով Հայաստանի ու Ֆրանսիայի ոստիկանական կառույցների փոխգործակցությունը՝ Սամվել Հովհաննիսյանն ընդգծեց միջազգային համագործակցության անհրաժեշտությունը հանցավորության դեմ պայքարի գործում։
Կարեւորվեց Հայաստանում կայանալիք Ֆրանկոֆոնիայի 2018 թվականի գագաթնաժողովի ընթացքում Հայաստանի եւ Ֆրանսիայի իրավապահ մարմինների սերտ համագործակցությունը հատկապես հասարարակական կարգի պահպանման եւ անվտանգության ապահովման գործում։ Սամվել Հովհաննիսյանը ներկայացրեց այդ ուղղությամբ իրականացված նախապատրաստական աշխատանքները։
Շնորհակալություն հայտնելով ջերմ ընդունելության համար՝ Բրունո Բալդուկը պատրաստակամություն հայտնեց իրենց փորձով աջակցել Հայաստանի ոստիկանությանը:
Հանդիպմանը քննարկվեցին նաեւ փոխադարձ հետաքրքրություն ներկայացնող այլ հարցեր։