Հետախուզվող կինը հայտնաբերվեց հյուրանոցային համալիրում

Ոստիկանության ՔՈԳՎ ԹԱՇԴՊ վարչության ծառայողները, իրացնելով օպերատիվ տվյալները, ապրիլի 28-ին Հյուսիս-Հարավ մայրուղու հյուրանոցային համալիրներից մեկում հայտնաբերել և ՔՈԳՎ բերման են ենթարկել 33-ամյա Օվսաննա Ս.-ին, որը ապրիլի 22-ից ոստիկանության Նոյեմբերյանի բաժնի կողմից հետախուզվում էր ՀՀ քրեական օրենսգրքի 266-րդ (Թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելը) և 267.1-րդ (Թմրամիջոցների, հոգեմետ (հոգեներգործուն) նյութերի և (կամ) դրանց պրեկուրսորների մաքսանենգությունը) հոդվածների մեղադրանքով:
Խափանման միջոցը՝ ստորագրություն:
Օվսաննա Ս.-ն հանձնվել է ոստիկանության Նոյեմբերյանի բաժնի ծառայողներին: